COP29-ում պայմավորվածություն է ձեռք բերվել տարեկան 300 մլրդ դոլար հատկացնել գլոբալ տաքացման դեմ պայքարի համար
Բաքվում ՄԱԿ-ի COP29 կլիմայական համաժողովում շուրջ 200 երկիր փաստաթուղթ է ստորագրել՝ հարուստ պետությունների կողմից աղքատ երկրներին տարեկան 300 մլրդ դոլար հատկացնելու վերաբերյալ՝ կլիմայի փոփոխության դեմ պայքարելու համար:
Ինչպես հաղորդում է kommersant.ru-ն՝ AFP-ին հղումով,Հնդկաստանը դեմ է արտահայտվել պայմանավորվածություններին։
«Առաջարկվող գումարը ահավոր փոքր է։ Սա չնչին գումար է: Այս փաստաթուղթը ոչ այլ ինչ է, քան տեսողական պատրանք։ Մեր կարծիքով, դա չի օգնի լուծելու այն զանգվածային խնդիրը, որի հետ մենք բոլորս բախվում ենք»,- ասել է հնդիկ խոսնակ Լիելա Նանդանը:
134 զարգացող երկրների խումբը պահանջել է տարեկան 500 միլիարդ դոլար հատկացնել:
Ինչպես հայտնում է AFP-ն, գործարքը կնքվել է երկու շաբաթների քաոսային «առևտրի» և անքուն գիշերներից հետո: Զարգացող երկրները լքել են նիստերը և սպառնացել առհասարակ հեռանալ, եթե հարուստ երկրները չհամաձայնեն վճարել ավելի շատ միջոցներ:
ԱՄՆ-ն և ԵՄ-ն ցանկանում էին, որ հարուստ նոր զարգացող տնտեսությունները, ինչպիսին Չինաստանն է, ևս խոշոր ներդրում ունենան: Պեկինն այժմ ֆինանսավորում է գլոբալ տաքացման դեմ պայքարը, սակայն իր պայմաններով։ COP29 համաձայնագիրը խրախուսում է զարգացող երկրների կամավոր ներդրումները, սակայն վճարման պարտավորություններ չի սահմանում: