Топтап бюллетень салу видеосы бар, жауапқа тартылған ешкім жоқ. Прокуратура не айтты?

Қазақстанда АЭС туралы референдумға дауыс берген кезде бюллетеньді сайлау жәшігіне топтап салып жатқан адамның видеосы желіде жаппай тарап кетті. "Ұлы көш" қоғамдық қорының тәуелсіз байқаушысы Берік Әбенов видеоны Түркістан облысы Ордабасы ауданы Темірлан ауылындағы №456 учаскелік референдум комиссиясында түсіргенін айтты. Аумақтық референдум комиссиясы оны "бұрын түсірілген видео" деп жоққа шығарды. Бұдан соң екі жақ та үнсіз қалған. Азаттық осы видеоға фактчек жасады.