ტრამპმა შეიძლება წინადადება წამოაყენოს, რუსეთსა და უკრაინას შორის ბუფერული ზონის შექმნაზე
აშშ-ის არჩეული პრეზიდენტი დონალდ ტრამპი შეიძლება წინადადებით გამოვიდეს, რომ ევროპულმა და ბრიტანულმა ჯარებმა - ორ ქვეყანას შორის სამხედრო მოქმედებების გაყინვის გეგმის ჩარჩოებში - უზრუნველყონ ათასზე მეტი კილომეტრის ბუფერული ზონა რუსეთისა და უკრაინის არმიებს შორის.
ამის შესახებ წერს The Telegraph-ი ტრამპის გარემოცვიდან წყაროებზე დაყრდნობით. გამოცემასთან მოსაუბრეთა თქმით, გეგმა ითვალისწინებს, ფრონტის ამჟამინდელი ხაზის გაყინვას, ხოლო უკრაინა უნდა დათანხმდეს, რომ არ შეეცდება ნატოში გაწევრიანებას 20 წლის განმავლობაში.
ამის სანაცვლოდ, ვაშინგტონი უზრუნველყოფს კიევს იარაღის დიდი რაოდენობით, რათა შეაკავოს რუსეთი, არ განაახლოს ომი. აშშ-ის ჯარი არ იქნება ბუფერული ზონის პატრულსა და დამცველებს შორის და არც ამ მისიას დააფინანსებს, ნათქვამია სტატიაში.
გაზეთის თანახმად, ეს გეგმა ერთ-ერთია იმ რამდენიმედან, რომელსაც ტრამპი განიხილავს. შეერთებული შტატების არჩეულმა პრეზიდენტმა არაერთხელ განაცხადა, რომ უკრაინის წინააღმდეგ რუსეთის ომის დასრულება 24 საათში შეუძლია. ამასთან, ტრამპს დეტალურად არასდროს განუმარტავს, კონკრეტულად როგორ აპირებს ამის გაკეთებას.
The Telegraph-ი ყურადღებას ამახვილებს იმაზე, რომ ბუფერული ზონის შექმნის შესახებ გეგმის დეტალები გაჩნდა მალევე მას შემდეგ, რაც უკრაინის პრეზიდენტმა, ვოლოდიმირ ზელენსკიმ, ევროპის პოლიტიკური გაერთიანების სამიტზე, ბუდაპეშტში, განაცხადა, რომ რუსეთის პრეზიდენტის, ვლადიმირ პუტინის მიმართ "დათმობები" მიუღებელია უკრაინისთვის და რომ ეს "თვითმკვლელობა" იქნება ევროპისთვის.
ამის შესახებ წერს The Telegraph-ი ტრამპის გარემოცვიდან წყაროებზე დაყრდნობით. გამოცემასთან მოსაუბრეთა თქმით, გეგმა ითვალისწინებს, ფრონტის ამჟამინდელი ხაზის გაყინვას, ხოლო უკრაინა უნდა დათანხმდეს, რომ არ შეეცდება ნატოში გაწევრიანებას 20 წლის განმავლობაში.
ამის სანაცვლოდ, ვაშინგტონი უზრუნველყოფს კიევს იარაღის დიდი რაოდენობით, რათა შეაკავოს რუსეთი, არ განაახლოს ომი. აშშ-ის ჯარი არ იქნება ბუფერული ზონის პატრულსა და დამცველებს შორის და არც ამ მისიას დააფინანსებს, ნათქვამია სტატიაში.
გაზეთის თანახმად, ეს გეგმა ერთ-ერთია იმ რამდენიმედან, რომელსაც ტრამპი განიხილავს. შეერთებული შტატების არჩეულმა პრეზიდენტმა არაერთხელ განაცხადა, რომ უკრაინის წინააღმდეგ რუსეთის ომის დასრულება 24 საათში შეუძლია. ამასთან, ტრამპს დეტალურად არასდროს განუმარტავს, კონკრეტულად როგორ აპირებს ამის გაკეთებას.
The Telegraph-ი ყურადღებას ამახვილებს იმაზე, რომ ბუფერული ზონის შექმნის შესახებ გეგმის დეტალები გაჩნდა მალევე მას შემდეგ, რაც უკრაინის პრეზიდენტმა, ვოლოდიმირ ზელენსკიმ, ევროპის პოლიტიკური გაერთიანების სამიტზე, ბუდაპეშტში, განაცხადა, რომ რუსეთის პრეზიდენტის, ვლადიმირ პუტინის მიმართ "დათმობები" მიუღებელია უკრაინისთვის და რომ ეს "თვითმკვლელობა" იქნება ევროპისთვის.