Владимир Путин Рөстәм Миңнехановны Халыклар бердәмлеге көне белән котлады

Россия Президенты Владимир Путин Татарстан Рәисе Рөстәм Миңнехановны Халыклар бердәмлеге көне белән котлады.

«Сезне Халыклар бердәмлеге көне белән котлыйм. Ватанпәрвәрлекнең һәм бердәмлекнең какшамас традицияләре, ныклы әхлакый, рухи таяныч безнең ата-бабаларыбызга авыр сынауларны җиңәргә, бөек держава булдырырга ярдәм иткән», – диелә котлау телеграммасында.

Дәүләт башлыгы белдергәнчә, аларның Ватан иминлеге өчен хезмәт итү, сугыш кырында да, көндәлек тормышта да батырлыклар кылу омтылышы элеккечә үк Россия халкы өчен рухландыргыч үрнәк булып тора.