Миңнеханов кышкы резина турында мем күрсәтте

Татарстан Рәисе Рөстәм Миңнеханов автомобиль йөртүчеләрне кышкы резинага күчәргә өндәде. Бу хәбәр республика Рәисенең Телеграм-каналында чыкты.

«Дуслар, вакыт җитте. Сак булыгыз!» – дип язган ул.

Шулай ук Миңнеханов шипалы покрышка ясалган һәм «Кышкы резина: Мин ялларда нәрсә белән шөгыльләнәчәгегезне беләм», дип язылган мем да күрсәтте.

Фото: https://t.me/rustamminnikhanov/2333

Татарстан Гидрометеорология үзәге мәгълүматлары буенча, инде бүген үк республикада буран, күз күреме начараю һәм явым-төшемнәр көтелә. Юллар бозлавыкка каршы материаллар белән эшкәртеләчәк.