Торак-коммуналь хезмәтләр өчен түләүгә ташламалар алучыларны 1 ноябрьдән үзгәрешләр көтә

Ноябрьдә торак-коммуналь хезмәтләр өчен түләүгә чыгымнарны компенсацияләүнең яңа стандарты эшли башлый. Алар хәзер ничек тикшереләчәге турында Дәүләт идарә университеты икътисади сәясәт һәм икътисади үлчәнеш кафедрасы доценты Наталья Казанцева «Прайм» агентлыгына интервьюда сөйләде, дип яза РИА Новости.

Торак-коммуналь хуҗалык тарифлары арту сәбәпле кайбер гаиләләр яки ялгыз гражданнар бюджеты өчен мондый хезмәтләргә түләп бару күтәрмәслек чыгым булып тора. Шуңа күрә коммуналь хезмәтләр буенча бурычлар арта. Мондый гражданнарга ярдәм итү өчен дәүләт өстәмә чаралар булдыра.

Ташлама алу мөмкинлеге турында хәбәр итә башлаячаклар (ташлама алу хокукы булган һәм түләүләре төбәктә билгеләнгән чиктән артып киткән очракта). Моннан тыш, элек хәтта гражданның бурычы кайтарылган очракта да компенсация түләнми иде. Хәзер исә, бурыч түләнгән икән, компенсациягә дәгъва итәргә була. Хакимият органнары барлык мәгълүматны бердәм цифрлы системага мөрәҗәгать итеп ала ала, дип йомгаклады Казанцева.