Հայտնի են շոուդաունի (կույրերի թենիս) տղամարդկանց առաջնության հաղթողները

ՀՀ կրթության, գիտության, մշակույթի և սպորտի նախարարության աջակցությամբ հոկտեմբերի 12-13-ը Երևանում անցկացվել է շոուդաունի (կույրերի թենիս) տղամարդկանց հանրապետական անհատական եզրափակիչ առաջնությունը: Այս մասին տեղեկացնում են ԿԳՄՍՆ-ից:

Առաջնությանը մասնակցել են ՀՀ տարբեր մարզերը և Երևանը ներկայացնող 10 շոուդաունիստներ: Մրցաշարում ընդգրկված են եղել նաև 7 ուղեկցող և 3 մրցավար:

Հաղթողի կոչմանն արժանացել է Անդրանիկ Քոչարյանը, փոխչեմպիոն է դարձել Վահան Դիշլանյանը, իսկ լավագույն եռյակը եզրափակել է Սիփան Ասատրյանը:

Մրցանակային տեղեր զբաղեցրած մասնակիցները պարգևատրվել են համապատասխան մեդալներով և դրամական պարգևներով:

The post Հայտնի են շոուդաունի (կույրերի թենիս) տղամարդկանց առաջնության հաղթողները first appeared on MediaLab Newsroom-Laboratory.