ІІМ операциясы: демалыс күндері 4 қауіпті зертхана жойылды

Полиция қызметкерлері үш күн ішінде төрт есірткі зертханасының қызметін тоқтатып, алты адамды ұстады, оның екеуі шетел азаматы, - деп хабарлайды Tengrinews.kz тілшісі Polisia.kz сайтына сілтеме жасап.
ІІМ мәліметінше, полиция төрт есірткі зертханасын анықтап, алты адамды ұстаған, олардың екеуі шетел азаматы.

"Сондай-ақ, 66 есірткі құқық бұзушылығы тіркелді, оның 13-і сату дерегі және тоғызы сақтау дерегі. Заңсыз айналымнан 35 келіден астам есірткі, оның ішінде 24 келі "синтетика" және 11 келі марихуана тәркіленді. Аталған қылмыстар бойынша 13 адам ұсталып, уақытша ұстау изоляторына қамалды. Бұл жұмыс жалғасып жатыр", – деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.


Сілтемесіз жаңалық оқисыз ба? Онда Telegram желісінде парақшамызға тіркеліңіз!