Путин БРИКС илләренең үсеп килүче икътисадлары потенциалын ачу кирәклеге турында белдерде

Глобаль икътисади күтәрелешнең киләсе дулкыны дөньякүләм күпчелек илләрдә туа, шуңа күрә «безнең үсеп килүче икътисадларның потенциалын ачу өчен үз платформасын булдыру идеясе турында фикер алышырга» вакыт җитте. Бу хакта БРИКС саммитында катнашучы делегация башлыкларының «аутрич» /«БРИКС плюс» форматындагы уртак утырышы кысаларында Россия Президенты Владимир Путин белдерде.

«Аның максаты - БРИКС, глобаль көньяк һәм көнчыгыш илләрендә инвестиция агымнарын арттыру, һәм зур инфраструктура һәм технологик проектларга акча салуга басым ясау», – дип ачыклык кертте дәүләт башлыгы.

Ул шулай ук альтернатив, ышанычлы һәм теләсә нинди диктаттан азат булган күп яклы финанс механизмнарының, шулай ук җитештерү-логистика чылбырларын төзүнең мөһимлеген билгеләп үтте. Моннан тыш, технологияләр һәм алгарышлы белемнәр белән алмашуны җайга салырга, яңа халыкара транспорт коридорларының үткәрү мөмкинлеген үстерергә кирәк.