Казан Ратушасында БРИКС лидерлары өчен рәсми булмаган кичке аш башланды

Казан Ратушасында БРИКС саммитында катнашучы илләр лидерлары өчен рәсми булмаган кичке аш башланды.

Чара башланыр алдыннан рәсми сәламләү һәм фотога төшерү тантанасы булды. Дәрәҗәле кунакларны Россия Президенты Владимир Путин каршы алды.

Чара ике өлештән тора — концертта катнашучыларга Россия композиторларының музыкаль әсәрләре тәкъдим ителә. Алга таба алар рәсми булмаган кичке ашта катнаша һәм саммитны ача.

Искәртик, саммит Татарстан башкаласында өч көн, 22 октябрьдән 24 октябрьгә кадәр дәвам итә. Бу төркемнең җитди киңәюеннән соң лидерларның беренче очрашуы.