Төркия җәмәгать эшлеклесе Фәтхуллаһ Гүлән вафат булган

Төркия җәмәгать эшлеклесе һәм дин әһеле Фәтхуллаһ Гүлән АКШта вафат булган. Бу хакта аның бертуганының улы Эбесулема Гүлән хәбәр итте, дип яза «Татар-информ».

«Фәтхуллаһ Гүлән вафат. Аллаһ сине кичерсен», - дип язган ул Х социаль челтәрендә.

Төркиянең Hürriyet басмасы хәбәр иткәнчә, соңгы елларда Гүләннең сәламәтлеге нык какшаган. Бөер җитешсезлеге һәм диабет авыруларыннан тыш, анда шулай ук деменция булган.

Гүлән «Хизмәт» хәрәкәтенә нигез салучы һәм аның лидеры булып санала, Төркия хакимияте аны 2016 елда илдә кискен дәүләт үзгәреше ясау омтылышында гаепләгән.