18-24 яшьлек кешеләрнең хезмәт хакы бер елда 20 процентка арткан

Россиядә 18-24 яшьлек яшьләрнең хезмәт хакы уртача 20,6 процентка арткан һәм 57,4 мең сум тәшкил итә. Бу хакта ТАСС «СберАналитика» һәм «Работа.ру» сервислары үткәргән тикшеренү мәгълүматларына сылтама белән хәбәр итә.

Узган елда 25 яшьтән 34 яшькә кадәрге гражданнарның керемнәре 17,3 процентка арткан һәм 85,4 мең сум тәшкил иткән. 35-44 яшьлек россиялеләр башкалардан күбрәк акча эшли, ягъни 90,9 мең сум (+12,6 процент).

45 яшьтән алып 54 яшькә кадәрге гражданнарның керемнәре 9 процентка һәм 55 яшьтән алып 64 яшькә кадәргеләрнеке 8 процентка арткан.