Թբիլիսիում ընթանում է «Վրաստանն ընտրում է Եվրամիությունը» ընդդիմության հանրահավաքը
Թբիլիսիում ընթանում է «Վրաստանն ընտրում է Եվրամիությունը» ընդդիմության հանրահավաքը։
Այս մասին հաղորդում է Սպուտնիկ Գրուզիան:
Ակցիան որոշել են անցկացնել քաղաքացիական հասարակության կազմակերպությունները, իսկ ավելի ուշ նրանց միացել են ընդդիմադիր կուսակցությունները:
Խորհրդարանական ընտրությունների նախաշեմին, վրացական ընդդիմության կողմնակիցները երթը անցկացնում են ի պաշտպանություն Եվրամիությանը երկրի ինտեգրման։
«Վրաստանը, որը բաց չի թողնի պատմական շանսը. Վրաստանը, որն ընտրում է միասնությունն ու զարգացումը. Վրաստանը, որը չի դավաճանի իր նախնիներին և ապագա սերունդներին. Վրաստանը, որն ընտրում է ԵՄ-ն ու պայծառ ապագան, պատրաստվում է հոկտեմբերի 20-ին երթ անել։ Վրաստանն ընտրում է Եվրամիությունը»,- ասված է սոցցանցում կազմակերպիչների հրապարակած տեղեկատվության մեջ, հայտնում է Jnews.ge-ն։
Հիշեցնենք, որ հոկտեմբերի 26-ին Վրաստանում տեղի կունենան խորհրդարանական ընտրություններ: