Մոլդովայում անցկացվում են նախագահական ընտրություններ և ԵՄ-ին անդամակցելու հարցով հանրաքվե
Այսօր Մոլդովայում պատմական օր է՝ երկրում սկսվել են նախագահական ընտրությունները, ինչպես նաև միաժամանակ հանրաքվե է անցկացվում Մոլդովայի՝ ԵՄ անդամ դառնալու հարցով: Դրա համար պետք է փոփոխություններ կատարվեն երկրի Սահմանադրության մեջ, հայտնում է svoboda.org-ը։
Նախագահական ընտրություններին մասնակցում է 11 թեկնածու, այդ թվում՝ գործող եվրոպամետ նախագահ Մայա Սանդուն։
Մոլդովայի օրենսդրության նորմերի համաձայն՝ հանրաքվեի հաջող անցկացման դեպքում Մոլդովայի հիմնական օրենքը ավտոմատ կերպով կփոխվի և դրանում կամրագրվի Եվրամիությանն անդամակցելու նպատակը։
Վերջին հարցումները ցույց են տալիս, որ մոլդովացիների մոտ 60%-ը կողմ է ԵՄ անդամակցությանը։
Մոլդովան ԵՄ-ի թեկնածուի կարգավիճակ է ստացել 2022թ. Որպեսզի հանրաքվեն կայացած համարվի, անհրաժեշտ է ընտրողների առնվազն 33 տոկոս մասնակցություն։