კიევსა და უკრაინის რეგიონებზე დრონებით მორიგი შეტევა იყო
რუსეთმა უპილოტო საფრენი აპარატებით მორიგი იერიში მიიტანა უკრაინაზე, მათ შორის დედაქალაქ კიევზე. საქალაქო-სამხედრო ადმინისტრაციის მიერ სოციალური ქსელებით დილით გამოქვეყნებული ინფორმაციით, კიევის დესნიანსკის რაიონში დაზიანებულია მრავალბინიანი სახლის სამი სართული. წინასწარი მონაცემებით, არავინ დაშავებულა.
ადგილობრივი ხელისუფლების ცნობით, დრონებით თავდასხმის გამო, გასული ღამის განმავლობაში კიევში ოთხჯერ გამოცხადდა საჰაერო განგაში, რომელიც საერთო ჯამში, 3,5 საათს გაგრძელდა.
უკრაინის ნიკოლაევის ოლქში შეტევა იყო ენერგოობიექტზე. საოლქო-სამხედრო ადმინისტრაცია კონკრეტულ ობიექტს არ ასახელებს, თუმცა აცხადებს, რომ ნიკოლაევის ოლქის მცხოვრებთა ნაწილს ელექტროენერგია არ მიეწოდება.
რუსეთის მორიგი შეტევის გამო უკრაინის ათამდე ოლქში საჰაერო განგაში დილის შვიდ საათამდე გაგრძელდა.
უკრაინის საჰაერო ძალების სარდლობას ჯერჯერობით არ გამოუქვეყნებია ინფორმაცია რუსეთის ჯარების მიერ გამოყენებული საშუალებების რაოდენობის და საჰაერო თავდაცვის სისტემის მუშაობის შედეგების შესახებ.
განახლება: დილის ათის ნახევრისთვის უკრაინის საჰაერო ძალების სარდლობამ განაცხადა, რომ ღამის განმავლობაში მოწინააღმდეგემ გამოიყენა 56 უპილოტო საფრენი აპარატი, რომელთაგან 22 ჩამოაგდეს კიევის, სუმის, პოლტავის, ჩერნიგოვის, ჟიტომირის, ნიკოლაევის, ჩერკასის, ოდესის და ტერნოპოლის ოლქებში. უკრაინის საჰაერო ძალების თანახმად, ორი რუსული დრონი უკრაინის საჰაერო სივრციდან გავიდა ბელარუსის მიმართულებით, კიდევ 27 კი „ლოკალურად დაიკარგა“. უკრაინელი სამხედროების ინფორმაციით, დაფიქსირებულია ინფრასტრუქტურის ობიექტებზე დრონებით ხუთი დარტყმა.
უკრაინული დრონებით შეტევის შესახებ იუწყება რუსეთის თავდაცვის სამინისტრო. მის მიერ დილით გამოქვეყნებული მონაცემებით, ღამის განმავლობაში გაანადგურეს 13 უპილოტო საფრენი აპარატი, მათგან 6 - ორიოლის ოლქში, 4 - კურსკში და 3 - ბრიანსკის ოლქში. ხმელეთზე შედეგების შესახებ რუსეთის თავდაცვის სამინისტრო არაფერს ამბობს.
საომარი მოქმედებების პირობებში მხარეთა მიერ გავრცელებული ცნობების დამოუკიდებელი წყაროებით გადამოწმება გართულებულია.
ადგილობრივი ხელისუფლების ცნობით, დრონებით თავდასხმის გამო, გასული ღამის განმავლობაში კიევში ოთხჯერ გამოცხადდა საჰაერო განგაში, რომელიც საერთო ჯამში, 3,5 საათს გაგრძელდა.
უკრაინის ნიკოლაევის ოლქში შეტევა იყო ენერგოობიექტზე. საოლქო-სამხედრო ადმინისტრაცია კონკრეტულ ობიექტს არ ასახელებს, თუმცა აცხადებს, რომ ნიკოლაევის ოლქის მცხოვრებთა ნაწილს ელექტროენერგია არ მიეწოდება.
რუსეთის მორიგი შეტევის გამო უკრაინის ათამდე ოლქში საჰაერო განგაში დილის შვიდ საათამდე გაგრძელდა.
უკრაინის საჰაერო ძალების სარდლობას ჯერჯერობით არ გამოუქვეყნებია ინფორმაცია რუსეთის ჯარების მიერ გამოყენებული საშუალებების რაოდენობის და საჰაერო თავდაცვის სისტემის მუშაობის შედეგების შესახებ.
განახლება: დილის ათის ნახევრისთვის უკრაინის საჰაერო ძალების სარდლობამ განაცხადა, რომ ღამის განმავლობაში მოწინააღმდეგემ გამოიყენა 56 უპილოტო საფრენი აპარატი, რომელთაგან 22 ჩამოაგდეს კიევის, სუმის, პოლტავის, ჩერნიგოვის, ჟიტომირის, ნიკოლაევის, ჩერკასის, ოდესის და ტერნოპოლის ოლქებში. უკრაინის საჰაერო ძალების თანახმად, ორი რუსული დრონი უკრაინის საჰაერო სივრციდან გავიდა ბელარუსის მიმართულებით, კიდევ 27 კი „ლოკალურად დაიკარგა“. უკრაინელი სამხედროების ინფორმაციით, დაფიქსირებულია ინფრასტრუქტურის ობიექტებზე დრონებით ხუთი დარტყმა.
უკრაინული დრონებით შეტევის შესახებ იუწყება რუსეთის თავდაცვის სამინისტრო. მის მიერ დილით გამოქვეყნებული მონაცემებით, ღამის განმავლობაში გაანადგურეს 13 უპილოტო საფრენი აპარატი, მათგან 6 - ორიოლის ოლქში, 4 - კურსკში და 3 - ბრიანსკის ოლქში. ხმელეთზე შედეგების შესახებ რუსეთის თავდაცვის სამინისტრო არაფერს ამბობს.
საომარი მოქმედებების პირობებში მხარეთა მიერ გავრცელებული ცნობების დამოუკიდებელი წყაროებით გადამოწმება გართულებულია.