უკრაინის ქალაქ ნიკოლაევზე სარაკეტო შეტევა იყო, არის მსხვერპლი
სულ მცირე, ერთი ადამიანი დაიღუპა და 11 დაშავდა უკრაინის სამხრეთში მდებარე ქალაქ ნიკოლაევზე რუსეთის სარაკეტო შეტევის შედეგად. ამის შესახებ გამთენიისას ტელეგრამ-არხზე დაწერა ნიკოლაევის საოლქო-სამხედრო ადმინისტრაციის ხელმძღვანელმა ვიტალი კიმმა.
ოლქის ხელისუფლება დარტყმის კონკრეტულ ადგილს ჯერჯერობით არ ასახელებს.
მანამდე, ადგილობრივი დროით 03:32 საათზე, ნიკოლაევის მერმა ოლექსანდრ სენკევიჩმა სოციალური ქსელებით გაავრცელა ცნობა, რომ ქალაქში აფეთქებები იყო საჰაერო განგაშის გამოცხადებამდე.
განახლება: დილის ცხრის ნახევრისთვის ნიკოლაევის საოლქო-სამხედრო ადმინისტრაციის ხელმძღვანელმა ვიტალი კიმმა ტელეგრამით გაავრცელა ცნობა, რომ დაჭრილების რიცხვი 11-დან 16-მდე გაიზარდა. კიმის ინფორმაციით, სარაკეტო შეტევამ ხანძრები გამოიწვია. დაზიანებულია ინფრასტრუქტურის ობიექტი, სახლები, რესტორანი და სავაჭრო პავილიონები. წინასწარი მონაცემებით, რუსეთის საოკუპაციო ძალებმა ნიკოლაევს ეს-300 ტიპის რაკეტებით შეუტიეს.
ოქტომბრის დასაწყისიდან რუსეთის ჯარები უკრაინის სამხრეთში დრონებით და რაკეტებით თითქმის ყოველდღე უტევენ ნიკოლაევის და ოდესის ოლქებს.
ოლქის ხელისუფლება დარტყმის კონკრეტულ ადგილს ჯერჯერობით არ ასახელებს.
მანამდე, ადგილობრივი დროით 03:32 საათზე, ნიკოლაევის მერმა ოლექსანდრ სენკევიჩმა სოციალური ქსელებით გაავრცელა ცნობა, რომ ქალაქში აფეთქებები იყო საჰაერო განგაშის გამოცხადებამდე.
განახლება: დილის ცხრის ნახევრისთვის ნიკოლაევის საოლქო-სამხედრო ადმინისტრაციის ხელმძღვანელმა ვიტალი კიმმა ტელეგრამით გაავრცელა ცნობა, რომ დაჭრილების რიცხვი 11-დან 16-მდე გაიზარდა. კიმის ინფორმაციით, სარაკეტო შეტევამ ხანძრები გამოიწვია. დაზიანებულია ინფრასტრუქტურის ობიექტი, სახლები, რესტორანი და სავაჭრო პავილიონები. წინასწარი მონაცემებით, რუსეთის საოკუპაციო ძალებმა ნიკოლაევს ეს-300 ტიპის რაკეტებით შეუტიეს.
ოქტომბრის დასაწყისიდან რუსეთის ჯარები უკრაინის სამხრეთში დრონებით და რაკეტებით თითქმის ყოველდღე უტევენ ნიკოლაევის და ოდესის ოლქებს.