Казанда кисәк суыту сәбәпле гало күренешен күзәтергә мөмкин

Бүген Татарстан башкаласында кисәк суыту сәбәпле гало күренешен – Кояш тирәсендәге икенчел балкышны күзәтергә мөмкин.

Гало Кояш нурларының боз кристалларында сынуы һәм чагылуы аркасында барлыкка килә. Гадәттә, бу кристаллар каурыйсыман болытларның бер өлеше булып тора – Казанда аларны да күрергә мөмкин.

16.00 сәгатьтә Казан – Опорная метеостанциясендә һава температурасы нибары +2,8 градус тәшкил итте. Элегрәк синоптиклар алдагы көннәрдә Татарстанда аномаль салкын һава торышы күзәтеләчәк дип кисәткән иде.