Владимир Путин Төрекмәнстандагы форум катнашучыларын Казанга БРИКС саммитына чакырды

Россия Президенты Владимир Путин Ашхабадта узучы «Заманнар һәм цивилизацияләр үзара бәйләнеше – тынычлык һәм үсеш нигезе» форумында катнашучыларны Казанга БРИКС саммитына чакырды.

Россия лидеры искәрткәнчә, РФ БРИКС һәм БРИКС плюс/аутрич саммитларын уздыруга әзерлек эше алып бара.

«Әлбәттә, Казанда узачак чараларда әлеге очрашуыбызның хуҗасы Сердар Гурбангулыевич Бердымөхәммәдовны һәм әлеге форумда катнашучы башка күп кенә лидерларны күрергә теләр идек», - дип китерә Путин сүзләрен Кремль матбугат хезмәте.

• БРИКС саммиты Казанда 22-24 октябрьдә узачак. Элегрәк билгеле булганча, 24 илнең лидеры саммитта катнашуын раслады. Шулай ук саммитта катнашу Казанга Берләшкән Милләтләр Оешмасы Генераль секретаре Антониу Гутерриш килә.