FN-gransking: Israel skuldig i brotsverk mot menneskeslekta i Gaza

Israel går bevisst til åtak på helsefasilitetar, drep og torturerer helsepersonell i Gaza, seier etterforskarar i FNs granskingskommisjon torsdag. Det skriv nyheitsbyrået AFP.

Kommisjonen har konkludert med at Israel gjer seg skuldig i brotsverk mot menneskeslekta etter å ha granska øydeleggingane av helsesystema i Gaza.

Kommisjonen er nedsett av FNs menneskerettsråd, og heile rapporten skal leggast fram om kort tid.

– Israel har gjennomført ein bevisst politikk for å øydeleggje helsesystemet i Gaza som ein del av eit større åtak på Gaza, heiter det i ei fråsegn.