Me kontrolle të rrepta nisi hyrja e produkteve serbe në Merdare

Në pikën e kalimit kufitar në Merdare filloi zbatimi i vendimit të ri të Qeverisë së Kosovës për lejimin e importit të të gjitha mallrave me origjinë nga Serbia. Vendimi, aktualisht, zbatohet vetëm në këtë pikë kufitare, derisa Qeveria tha se në pikat tjera një gjë e tillë do të bëhet pasi të sigurohen skanerët e nevojshëm. Transportuesit e parë që hynë në Kosovë kaluan nëpër procedura shtesë të kontrolleve në terminalin doganor në Merdare.