Марбург вирусының өршуі: Қазақстанның бас санитария дәрігері мәлімдеме жасады

ДСМ Дүниежүзілік денсаулық сақтау ұйымының жаңа қауіпті инфекция - Марбург вирусының өршуі туралы ескертуіне байланысты эпидемиологиялық жағдайды бақылауды күшейтіп жатыр. Бұл туралы ҚР Бас мемлекеттік санитария дәрігері Сархат Бейсенова мәлімдеді, - деп хабарлайды Tengrinews.kz тілшісі.
Ведомство мәліметінше, Марбург вирустық ауруы - адамдарға да, басқа приматтарға да әсер ететін сирек кездесетін, ауыр вирустық геморрагиялық қызба. Вирус табиғатта жарқанаттарда кездеседі және жарқанаттардан адамдарға берілуі мүмкін.
Марбург қызбасының табиғи ошақтары - Оңтүстік, Батыс және Орталық Африка елдері: Оңтүстік Африка (Оңтүстік Африка Республикасы), Габон, Судан, Конго Демократиялық Республикасы, Либерия, Гвинея, Зимбабве, Кения.

"Аурудың клиникалық көріністері вирусты жұқтырғаннан кейін 2-21 күннен кейін пайда болады", - делінген хабарламада.

Халықтың жоғары көші-қонын ескере отырып, ДСМ қазақстандықтарға эндемиялық елдерге барған кезде мынадай профилактикалық шараларды сақтауды ұсынады:

жұқтырған адамдармен байланыста болудан аулақ болу;
Африка жунглиінде кездесетін жабайы жануарлардан сақ болу;
жергілікті жануарлардың нашар қуырылған етін жемеу;
мысырлық жарқанаттардың көп саны - вирустың асимптоматикалық тасымалдаушылары бар үңгірлер мен шахталарға бармау;
аурудың белгілері пайда болған кезде дереу медициналық көмекке жүгіну;
жеке гигиена ережелерін сақтау.

Вирус неге қауіпті?

"Марбург вирусына қарсы арнайы ем мен вакцина жоқ. Тек симптоматикалық емдеу ғана жүргізіледі".

Марбург - филовирустарға жататын қауіпті вирус. Табиғи тасымалдаушылар - ұшатын иттер, олар түнгі қанаттылар. Оларда вирус адамнан айырмашылығы симптомсыз өтеді.

"Вирус адамға тікелей байланыс арқылы беріледі. Сіз зақымдалған тері немесе шырышты қабықтар арқылы жұқтыра аласыз. Сонымен қатар, вирусты заттардың бетіне тигенде және төсек-орын немесе науқастың киімі сияқты материалдарды ұстаған кезде жұқтыруға болады".

Аурудың негізгі белгілері: қызба; тамақ ауруы; бөртпе; іштің ауыруы; мұрын мен көздің қанауы.
Марбург вирусының таралу қаупіне байланысты шектеу шаралары қабылдана ма?

"Денсаулық сақтау министрлігі Марбург вирусының эпидемиологиялық жағдайының дамуын мұқият қадағалайды. Халықаралық әуежайларда аурудың республикаға әкелінуіне және таралуына жол бермеу мақсатында барлық келетін жолаушылардың байланыссыз термометриясы жүргізілетін мемлекеттік шекарада санитариялық-карантиндік бақылау жүзеге асырылады", - деді Бейсенова.