Կոտայքում բախվել են «Lexus»-ն ու «Opel»-ը․ կան տուժածներ
Այսօր՝ հոկտեմբերի 4-ին, ավտովթար է տեղի ունեցել Կոտայքի մարզում։ Ինչպես հայտնում է Shamshayn.com-ը, ժամը 19։10-ի սահմաններում Զովունի-Եղվարդ ավտոճանապարհին բախվել են «Lexus» և «Opel Zafira» մակնիշի ավտոմեքենաները։
Վթարի հետևանքով 2 հոգի տարբեր աստիճանի մարմնական վնասվածքներով տեղափոխվել են «Արմենիա» բժշկական կենտրոն։ Հրշեջ-փրկարարները հոսանքազրկել են ավտոմեքենաները, դադարեցրել են «Opel»-ի գազաբալոնից գազի արտահոսքը և տեղում իրականացրել հերթապահություն։
Դեպքի փաստով Նաիրիի քննչական բաժնում նախաձեռնվել է քրեական վարույթ, որտեղ էլ պարզվում են վարորդների և վիրավորների ինքնությունը։