Казан педагоглары ике Бөтенроссия бәйгесендә лидерлар арасына керде

Казан педагоглары «Ел директоры» һәм «Ел укытучысы» Бөтенроссия бәйгеләрендә иң яхшылар арасына керде. Калуга һәм Саратов шәһәрләрендә конкурсларга нәтиҗә ясадылар, дип хәбәр ителә ТР башкаласы Мәгариф идарәсенең телеграм-каналында.

Әйтик, 179нчы гимназия директоры Эльвира Наумова Россиядә иң яхшылар дип табылган белем бирү учреждениеләренең 30 җитәкчесе арасына керде, ә 108нче мәктәпнең физика укытучысы Радик Хәбиров «Ел укытучысы» бәйгесенең йомгаклау этабында махсус приз алды.

Идарәнең матбугат хезмәтендә искәртүләренчә, Хәбиров илнең иң зур гуманитар кластерында – Е.М.Примаков исемендәге гимназиядә стажировка узачак.