«Татарская история» подкастына Яндекс Музыкада язылучылар саны ике тапкырга артты

«Татарская история: лекторий Миллиард.Татар» подкасты Яндекс.Музыкада 200 язылучы җыйды. Бу хакта басма редакциясе хәбәр итә.

Подкастның мәйданчыктагы аудиториясе ике айда ике тапкырга арткан – 31 июльгә аның йөз язылучысы булган.

Хәзерге вакытта мәйданчыкта «Татарская история»нең 32 чыгарылышы бар. Лекторий спикерлары татарларның борынгы бабаларының тормышы, нигез салган шәһәр һәм дәүләтләре, шулай ук татар халкының күренекле вәкилләре турында сөйли. Алар белән сылтама буенча кереп танышырга мөмкин.