Александр Бородин: Рәиснең Юлламасы бик уйланылган, бик зирәк иде

Рөстәм Миңнеханов махсус хәрби операциядә катнашучыларга ярдәм итүнең мөһимлеген гадел билгеләде. «Татар-информ» хәбәрчесенә Татарстан Рәисенең ТР Дәүләт Советына бүгенге Юлламасын «ТР Ветераннар берлеге» Республика иҗтимагый оешмасы комитеты рәисе, «Яшь армия» патриотик хәрәкәтенең төбәк штабы җитәкчесе Александр Бородин шулай дип шәрехләде.

«Татарстан Рәисе Рөстәм Миңнеханов бик мөһим темадан башлады. Ул хәрбиләргә ярдәм итү юнәлеше буенча башкарыла торган эш турында сөйләде һәм киләсе елны Ватанны саклаучылар елы дип игълан итте. «Барысы да фронт өчен! Барысы да җиңү өчен!» дигән шигарьдәге кебек, элеккечә гуманитар ярдәм күрсәтергә кирәк», - дип билгеләде ул.

Бородин фикеренчә, Рөстәм Миңнехановның чыгышы игътибарлылык һәм тирәнтен уйланылган булуы белән аерылып торды, бу аның зирәклегенә соклану уята.

«Татарстан Республикасы Рәисенә ветераннар һәм балалар өчен чаралар оештыру, шулай ук Бөек Ватан сугышында Җиңүнең 80 еллыгын бәйрәм итү турында искәрткәне өчен бик рәхмәтлемен», - дип өстәде ул.