Мордовия халкы махсус хәрби операциядә катнашучыларга актив ярдәм күрсәтә

Мордовиянең Ләмбир авылы мәчете имамы Рәшит хәзрәт Сәйфуллов инициативасы белән мәчеткә йөрүчеләр махсус хәрби операциядә катнашучыларга ярдәм җыелды. Акча җыюны координацияләүне Земфира Алукаева үз өстенә алды, ул авылда хөрмәтле, күп еллар сәламәтлек саклау өлкәсенә багышлаган кеше. Бу хакта Россия Мөфтиләр шурасы хәбәр итә.

Җыелган ярдәм һәм акчалар Сабина Гуданецка тапшырыла. Сабинаның ире махсус хәрби операциядә катнаша һәм ул даими рәвештә фронт сызыгына хәрбиләргә ярдәм җибәрә. Сабина алгы сызыкта күп әйберләргә ихтыяҗ барлыгын, кайчагында хәтта иң гади әйберләрнең дә файда китерүен сөйләде. Хәзер ул яңа генераторга акча җыя һәм шактый зур сумма җыйган мәчет мәхәлләләренә бик рәхмәтле.

Имам Рәшит хәзрәт Сәйфуллов Сабинага волонтерлык эше өчен рәхмәт белдерде һәм хәрбиләрнең исән-сау әйләнеп кайтулары өчен дога кылды. «Махсус хәрби операциядәгеләргә һәм аларның гаиләләренә ярдәм итү – безнең уртак бурыч. Авылдашларыбызның моны аңлавына, инициативабызны хуплавыгызга мин бик шат», - диде имам Рәшит Сәйфуллов.