Biden: På tide å få slutt på krigen i Gaza

– Det er på tide å få på plass ein våpenkvileavtale i Gaza, og få slutt på denne krigen, sa USAs president Joe Biden i det som var hans siste tale til FNs hovudforsamling som president.

Han sa at både gissel og uskuldige sivile i Gaza har det svært vanskeleg, og går gjennom store lidingar på grunn av krigen.

Biden oppmoda også til ei diplomatisk løysing for å unngå ein fullskalakrig mellom Israel og Hizbollah i Libanon.