Рөстәм Миңнеханов Татарстан игенчеләренә лаеклы уңыш өчен рәхмәт белдерде

Татарстан Рәисе Рөстәм Миңнеханов быелгы сезонда, барлык кыенлыкларга карамастан, республика игенчеләренә лаеклы уңыш үстерә алганнары өчен рәхмәт белдерде.

«Республикада бөртекле культураларны җыеп алу кампаниясе төгәлләнде диярлек. Барлык кыенлыкларга – май аендагы кыраулар, июльдәге коры җил һәм августтагы яңгырларга карамастан яхшы уңыш үстерә һәм җыя алган игенчеләребезгә рәхмәт белдерәм! Татарстанда 3,6 миллион тоннадан артык икмәк суктырылган, уңдырышлылык гектардан 27,8 центнерны тәшкил итә!» – дип язды ТР Рәисе телеграм-каналында.