Татарстан Дәүләт Советы бюджет комитеты 2024 елга чыгымнарны арттыру проектын хуплады

ТР Дәүләт Советының бюджет, салымнар һәм финанслар комитеты 2024 елда Татарстан бюджеты чыгымнарын 39,2 миллиард сумга арттыручы проектны хуплады.

Татарстан Республикасының 599-6 номерлы «ТРның 2024 елга һәм 2025 һәм 2026 еллар план чорына бюджеты турында» ТР законына үзгәрешләр кертү турында» закон проектын хупларга һәм Татарстан Республикасы Дәүләт Советына әлеге закон проектын беренче һәм өченче укылышта кабул итәргә тәкъдим итәргә», – диелә документта.

Чыгымнарны арттыру нигездә Татарстан башкаласында БРИКС илләре саммитын уздыру белән бәйле. Бу социаль һәм инженерлык инфраструктурасын, шулай ук Казан юлларын «норматив халәткә» китерүгә чыгымнар.

Төзәтмәләр проектын республика парламенты депутатлары 27 сентябрьдә караячак.