Татарстанда һава температурасы +15 градустан артмаячак

Бүген, 23 сентябрьдә, Татарстанда кичәге кебек көзге салкын һава торышы саклана. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Республикада алмашынучан болытлы һава торышы көтелә. Явым-төшем ихтималы аз.

Җил төньяк-көнбатыштан секундына 6-11 метр тизлектә фаразлана. Казанда урыны белән аның тизлеге 14 метрга кадәр көчәя.

Төнге салкыннан (0..-2 градус кырау) соң төбәктә һава температурасы +10..+15 градуска кадәр (Татарстан башкаласында +12..+14 градус) күтәреләчәк.

«Татар-информ» хәбәр иткәнчә, Татарстанда салкынайта. Кырау төшү сәбәпле, республикада шторм кисәтүе игълан ителде.