Дамир Фәттахов Яшьләр эшләре буенча федераль агентлыктан китүе турында хәбәр итте

Яшьләр эшләре буенча федераль агентлыкта эшләвен тәмамлау турында бүген оешма башлыгы урынбасары Дамир Фәттахов хәбәр итте.

«Бу уңай нотада рәсми рәвештә хәбәр итәм: мин Яшьләр эшләре буенча федераль агентлыкта эшләвемне тәмамлыйм. Федераль дәрәҗәдә эшләү мөмкинлеге һәм тәҗрибәсе өчен җитәкчелеккә рәхмәт», - дип язган Фәттахов Телеграм-каналында.

Ул эштән китүен үзе һәм аның командасы алдына өч ел элек куелган бурычларны үтәү белән бәйләде.

«Яшьләр эшләре буенча федераль агентлыкның зур һәм тату командасына 3 ел кызыклы һәм нәтиҗәле эш өчен рәхмәт. Кадерле һәм туганга әверелгән командаларыбызга аерым рәхмәт сүзләре җиткерәм, алар идеяләрне турыдан-туры «җирдә» гамәлгә ашыра», - диелә басмада.