Песков махсус операциядә җиңүгә альтернатива булмау турында белдерде

Россия өчен махсус хәрби операциядә җиңүгә башка альтернативалар юк. Бу хакта Кремль рәсми вәкиле Дмитрий Песков ВГТРК корреспонденты Павел Зарубинга биргән интервьюда белдерде. Видео журналистның Тelegram-каналында чыкты.

«<...> сугыш бара: алар безнең белән сугыша, күмәкләп сугыша, безнең каршыда күмәк дошман. Алар ачыктан-ачык әйтә: аларның максаты — стратегик һәм тактик яктан Россияне җиңү», - диде РФ Президенты матбугат сәркатибе.

«Бу безне әлеге позициягә җитди карарга, гамәлләребезне әлеге куркынычны исәпкә алып төзергә һәм махсус хәрби операцияне дәвам итәргә мәҗбүр итә — барлык максатларыбызга ирешү, куелган бурычларны үтәү һәм җиңүне үзебезнеке итәр өчен», - дип саный ул.

«Россия өчен тарихта ниндидер башка альтернативалар булмады, хәзер дә безнең җиңүгә альтернатива юк», - дип йомгаклады Песков.