Путин киләсе атнада Россия Дәүләт Советы утырышын уздыра

Россия Президенты Владимир Путин киләсе атнада РФ Дәүләт Советы президиумы утырышын уздырачак һәм «Россия энергетика атнасы» форумы пленар утырышында чыгыш ясаячак. Бу хакта «Москва. Кремль. Путин» программасында әйтелде. Аның фрагментын тапшыруның алып баручысы Павел Зарубин Тelegram-каналында чыгарды.

«Президент графигында – Россия энергетика атнасында чыгыш ясау. Узган еллар тәҗрибәсе буенча – бу бик күренекле форум <...>», - дип билгеләп үтелә тапшыруда.

«Россия энергетика атнасы 2024» халыкара форумы 26-28 сентябрьдә Мәскәүдә узачак.

Дәүләт башлыгының киләсе атнага графигына кертелгән башка вакыйгалар арасында Дәүләт Советы президиумы утырышыннан тыш «халыкара элемтәләр» һәм РФ Иминлек советы әгъзалары белән киңәшмә телгә алына.