Рөстәм Миңнеханов Мәскәүдә узучы XX Халыкара мөселман форумына килде

ТР Рәисе Рөстәм Миңнеханов Мәскәү Җәмигъ мәчетенә килде. Бүген биредә РФ мөселманнары Диния нәзарәтенең VIII Корылтаеның икенче эш көне һәм XX Халыкара мөселман форумы уза.

Корылтай барышында съездда катнашучылар киләсе биш елга РФ мөселманнары Диния нәзарәте рәисен сайлаячак, шулай ук форумның резолюциясен кабул итәчәк.

РФ Президенты Владимир Путинга мөрәҗәгать очрашуның нәтиҗәсе булачак.