Թրամփն իրեն անվանել է ԱՄՆ-ում հրեաների «լավագույն ընկերը», նրանց «պաշտպանն ու հովանավորը»

ԱՄՆ նախագահի հանրապետական թեկնածու Դոնալդ Թրամփը Վաշինգտոնում նախընտրական միջոցառման ժամանակ դատապարտել է հակասեմականությունը: Իր ելույթի ժամանակ քաղաքական գործիչն ասել է, որ ընտրություններում իր պարտությունը մեծապես կվնասի հրեա ժողովրդին։

Նա նաև դժգոհել է հրեա ընտրողների թույլ աջակցությունից։

«Այն ամենով հանդերձ, ինչ արել եմ Իսրայելի համար, ես ստացել եմ հրեաների ձայների միայն 24%-ը: Ինձ իսկապես այնքան էլ լավ չեն վերաբերվել, բայց դա իմ կյանքի պատմությունն է»,- ասել է Թրամփը, որին մեջբերում է The New York Times-ը:

Նա հավելել է, որ ԱՄՆ-ի հրեաները նախընտրում են քվեարկել «թշնամու»՝ դեմոկրատների օգտին:

Թրամփը կարծում է, որ պետք է ստանա ԱՄՆ-ի հրեաների ձայների 100%-ը։ Նա իրեն անվանել է ԱՄՆ-ում հրեաների «լավագույն ընկերը», ինչպես նաև նրանց «պաշտպանն ու հովանավորը»։