Տյումենի բնակիչը 20 անգամ խաբել է վարկային կազմակերպությանը և յուրացրել գրեթե 1 մլն ռուբլի
Տյումենում տղամարդը 20 անգամ խաբել է միկրոֆինանսական կազմակերպությանը և խոշոր չափի գումար հափշտակել։ Այս մասին, ինչպես գրում է gazeta.ru-ն, հայտնել է Տյումենի մարզի դատական համակարգի մամուլի ծառայությունը։
Տղամարդը որոշել է միկրովարկ վերցնել և ֆինանսական հաստատության կայքում լրացրել է 20,000 ռուբլու հայտ, սակայն վերջին փուլում մտափոխվել է և չեղարկել հայտը՝ չստորագրելով պայմանագիրը։ Այնուամենայնիվ, միջոցներն արդեն նստել էին նրա հաշվին ծրագրային ապահովման անսարքության պատճառով:
Նկատելով դա՝ Տյումենի բնակիչը կրկնել է ալգորիթմը 20 անգամ և այդպիսով գրպանել 809,000 ռուբլի։ Ավելի ուշ միկրովարկային ընկերությունը միջադեպի առնչությամբ քաղաքացիական հայց է ներկայացրել։ Տղամարդը դատարանում ամբողջությամբ ընդունել է մեղքը և համաձայնել կազմակերպությանը պարտքի ամբողջ գումարը վճարելու պարտավորությանը։