Казан ярыммарафоны 5 меңнән артык катнашучыны җыячак

Быелның 22 сентябрендә узачак Казан ярыммарафоны төрле яшьтәге 5 меңнән артык катнашучыны җыяр дип көтелә. Шәһәр башкарма комитетының физкультура һәм спорт комитеты рәисе Линар Гарипов Казан мэриясендә узган эшлекле дүшәмбе киңәшмәсендә шулай дип белдерде.

«Казан ярыммарафоны – шәһәрдә яшәүчеләргә ял көнен файдалы итеп үткәрү өчен тагын бер мөмкинлек ул», – дип өстәде Гарипов.

Ул шулай ук марафон маршруты буенча транспорт хәрәкәте вакытлыча ябылачагын да искәртте.

Элегрәк хәбәр ителгәнчә, Казанда Милләтләр кроссының төп мәйданчыгы Урам экстрим-паркы булачак.