Spania avviser innblanding i regjeringa i Venezuela

Spania avviser Venezuelas påstandar om at dei er innblanda i eit komplott for å velta den venezuelanske regjeringa. Det melder AFP.

To spanjolar, tre amerikanarar og ein tsjekkisk statsborgar blei laurdag arresterte i det latinamerikanske landet og skulda for å ha planlagt å drepa president Nicolás Maduro.

Venezuela hevdar at CIA står bak komplottet og at Spania er innblanda. Både Spania og USA avviser påstandane.

Forholdet mellom Spania og Venezuela er spent og Venezuela har henta heim ambassadøren sin frå Madrid.