Dansk museum leverte tilbake heilag urfolkskappe til Brasil

Nasjonalmuseet i Danmark har offisielt levert tilbake ei urfolkskappe med fuglefjør til Brasil.

President i Brasil Luiz Inacio Lula da Silva var til stades under overleveringsseremonien utanfor Brasils nasjonalmuseum i Rio, saman med rundt 170 representantar for urfolksgruppa tupinamba.

Kappa blei truleg tatt av europearar under kolonitida på 1600-talet. Etter at kappa blei utlånt til ei utstilling i Rio for kring tjue år sidan blei ho kravd tilbake. Etter lange forhandlingar blei det i fjor klart at kappa skulle leverast tilbake.