Շախմատի համաշխարհային Oլիմպիադա․ Հայաստանի տղամարդկանց հավաքականը ևս հաղթանակ տարավ

Հայաստանի հավաքականները կրկին վստահ հաղթանակ տարան շախմատի համաշխարհային Oլիմպիադայում, հայտնում է Հայաստանի Շախմատի ֆեդերացիայի մամուլի ծառայությունը։

Տղամարդկանց հավաքականը 3-1 հաշվով առավելության է հասել Անդորրայի հավաքականի նկատմամբ:

Հաղթանակ են տարել Հայկ Մարտիրոսյանը և Կարեն Գրիգորյանը: Շանթ Սարգսյանի և Ռոբերտ Հովհաննիսյանի խաղերն ավարտվել են ոչ-ոքի արդյունքով:

Նշենք, որ առաջին տուրում տղամարդկանց հավաքականը 4-0 հաշվով առավելության էր հասել Մալթայի հավաքականի նկատմամբ: Կանանց հավաքականը 4-0 հաշվով առավելության էր հասել Տրինիդադ և Տոբագոյի հավաքականի նկատմամբ: