«Театраль Идел буе» фестиваленең чираттагы сезоны башланды

Беренче сентябрьдә «Театраль Идел буе» Идел буе федераль округының балалар һәм яшьләр коллективлары фестиваленең чираттагы, алтынчы сезонында катнашуга гаризалар кабул ителә башлады. Чара Россия Президентының Идел буе федераль округындагы Тулы вәкаләтле вәкиле Игорь Комаров химаясында уздырыла. Бу хакта вәкиллекнең матбугат хезмәте хәбәр итә.

Фестиваль Идел буе федераль округының барлык төбәкләрендәге театр җәмәгатьчелеген берләштерүгә юнәлдерелгән. Ул округта иң масштаблы театр проекты булып тора, фестиваль узган сезонда 20 меңнән артык катнашучыны һәм 200 мең тамашачыны җәлеп иткән. Проектның биш ел эшләү дәверендә аның колачы өч тапкыр арткан.

Фестивальдә гадәттәгечә Федерациянең Идел буе округына керә торган субъектларыннан һәвәскәр балалар (6 яшьтән 17 яшькә кадәр) һәм яшьләр (18 яшьтән 35 яшькә кадәр) театр коллективлары катнаша ала.

Төбәк сайлап алу этабында катнашу өчен гаризалар үзәкләштерелгән рәвештә театральноеприволжье.рф фестивале сайты аша җибәрелә.

Финалга 28 спектакль чыгачак — Идел буе федераль округының 14 төбәгеннән яшьләр һәм балалар театр коллективларыннан берәр.

«Театраль Идел буе»ның узган сезонында Татарстан катнашучылары призлы урыннар яулады. Соңрак Казанда «ГИТИСфест.Театраль Идел буе» проекты теплоходы булды.