Լա լիգայում մրցավարները հատուկ ժեստի օգնությամբ կդադարեցնեն հանդիպումը, եթե նկատեն որևէ ռասիստական դրսևորում
Իսպանիայի թագավորական ֆուտբոլի ֆեդերացիան (RFEF)-ը, Լա Լիգայի հետ համագործակցությամբ, հավանություն է տվել ֆուտբոլիստների դեմ ռասիստական միջադեպերի հետ կապված հատուկ արձանագրության ներդրմանը:
Այս արձանագրությունը կկիրառվի Իսպանիայի առաջնության հանդիպումների ժամանակ, հաղորդում է RFEF-ը։ Դրա էությունն այն է, որ եթե մրցավարը խաղացողներից կամ անվտանգության համակարգողներից տեղեկատվություն է ստանում երկրպագուների շրջանում ռասիզմի դրսևորումների մասին, նա պարտավոր է ձեռքերը ծալել հատուկ ժեստով, դադարեցնել խաղը և հայտարարություն անել մարզադաշտի ողջ տարածքում՝ զգուշացնելով անհապաղ դադարեցնել ռասիստական գործողությունները։
Եթե նման միջադեպեր կրկնվեն խաղի ժամանակ, մրցավարը ժամանակավորապես կդադարեցնի խաղը և թիմերին կուղղորդի հանդերձարաններ, մինչդեռ ռասիստական պահվածքը դադարեցնելու մասին կրկնվող զգուշացումները կհեռարձակվեն ամբողջ մարզադաշտում: Եթե վարքագիծը շարունակվի, մրցավարը անվտանգության համակարգողի հետ համատեղ կորոշի միանգամից ավարտել խաղը։
Այս արձանագրությունը հաստատվել է ՖԻՖԱ-ի կողմից՝ կազմակերպության մայիսին Բանգկոկում կայացած համագումարում։