Ingen pågripne etter knivstikking
0
Politiet har framleis ikkje pågripe nokon etter knivstikkinga i Drammen seint onsdag. Dei rykte ut etter melding om ein slåstkamp mellom fleire personar ved Drammen videregående skole.
Ein mann i 20-åra blei knivstukken og køyrd til sjukehus. Politiet opplyste før midnatt at tilstanden verka å vere stabil.
Det har blitt søkt etter moglege gjerningspersonar utan hell, opplyser Sør-Øst politidistrikt klokka 05.
– Saka går no over i etterforskingsfase, der vi prøver å finne ut kva som har skjedd og kven som var involverte. Så langt har vi utført nokre vitneavhøyr, seier operasjonsleiar Per Eftang.