Նա մեր լավագույն խաղացողն է. Ռոդրիգոն՝ Նեյմարի մասին
Բրազիլիայի հավաքականի վինգեր Ռոդրիգո Գոեսը խոսել է ազգային հավաքականի հարձակվող Նեյմարի կարևորության մասին:
«Այստեղ խոսքեր պետք չեն: Ամբողջ աշխարհը տեսնում է, որ նրա բացակայությունը մեզ համար խիստ թերություն է։ Նա մեր աստղն է, մեր լավագույն խաղացողը։ Մենք պետք է օգնենք նրան, որպեսզի հաղթենք աշխարհի առաջնությունում։ Հիանալի է, որ նա վերականգնման վերջին փուլում է։ Մենք ցանկանում ենք, որ նա հնարավորինս արագ վերադառնա։
Ես կապ եմ պահպանում նրա հետ։ Նեյմարը միշտ քաջալերում է ինձ։ Ես նրան շատ եմ հարգում։ Բացի այն, որ նա որպես ֆուտբոլիստ իմ կուռքն է, ուզում եմ նշել, որ Նեյմարը նաև ֆանտաստիկ մարդ է»,- Ռոդրիգոյի խոսքերն է մեջբերում ESPN-ը։
Նեյմարը վերականգնողական փուլ է անցնում խաչաձև կապանների պատռվածքից հետո, որը նա ստացել էր 2023 թվականի աշնանը։