"Бизди айтсаңар, силерди да сабайбыз". 15 жаштагы Эрхандын өлүмүнүн чоо-жайы

5-сентябрда Сокулук районунда 9-класстын окуучусу Эрхандын өмүрү кыйылган окуя өспүрүмдөр арасында чоңсунуу көйгөйүн кайрадан көтөрдү. Милиция 16 жаштагы өспүрүм шектүү катары кармалып, эки айга камалганын билдирди. Мугалимдер Эрхандын жүрүм-туруму жакшы болгонун, ызы-чуудан алыс жүргөнүн айтты.