Շոյգուն պատմել է Թուրքիայի առաջարկի մասին, որին Պուտինը համաձայնել է

Թուրքիան Ռուսաստանին առաջարկել է համաձայնել չհարվածել Ուկրաինայի էներգետիկ օբյեկտներին, այդ թվում՝ միջուկային, սակայն Ուկրաինան մերժել է դա, ասել է ՌԴ Անվտանգության խորհրդի քարտուղար Սերգեյ Շոյգուն «Ռոսիա 24» հեռուստաալիքին տված հարցազրույցում։ Այս մասին գրում է vesti.ru-ն:

«Թուրքիան մեզ առաջարկեց չհարվածել էներգետիկ օբյեկտներին, չհարվածել միջուկային էներգիայի օբյեկտներին և չհարվածել Սև ծովի առևտրային և քաղաքացիական նավատորմին», - ասել է Շոյգուն:

Նրա խոսքով՝ ՌԴ նախագահ Վլադիմիր Պուտինը պաշտպանել է այս նախաձեռնությունը, սակայն Ուկրաինան նախնական բանակցություններից հետո հրաժարվել է առաջարկվող պայմանավորվածություններից։