Ազգերի Լիգա․ Իսպանիայի հավաքականը հաղթեց Շվեյցարիայի ընտրանուն, Պորտուգալիան՝ Շոտլանդիային, Խորվաթիան՝ Լեհաստանին, իսկ Շվեդիան՝ Էստոնիային

Իսպանիայի հավաքականն Ազգերի լիգայի մրցաշարի երկրորդ տուրի շրջանակում հաղթանակ տոնեց Շվեյցարիայի հետ խաղում, Պորտուգալիայի հավաքականը 2-1 հաշվով հաղթեց Շոտլանդիայի ընտրանուն, Շվեդիայի հավաքականը վստահ հաղթանակ տոնեց Էստոնիայի հետ խաղում, իսկ Խորվաթիայի հավաքականը հաղթանակ տոնեց Լեհաստանի հետ խաղում։

Իսպանացիներն արտագնա խաղում հաղթեցին 4-1 հաշվով։ Իսպանացիների կազմում դուբլ ձևակերպեց Ֆաբիան Ռուիսը, մեկական անգամ աչքի ընկան Խոսելուն ու Ֆերան Տորեսը։ Շվեյցարացիների կազմում աչքի ընկավ Ամդունին։

Նշենք, որ Դե լա Ֆուենտեի թիմը հանդիպման 20-րդ րոպեից խաղում էր 10 հոգով՝ Լե Նորմանի հեռացումից հետո։

Այս խաղից հետո Իսպանիան 4 միավոր ունի իր ակտիվում և երկրորդն է իր խմբի մրցաշարային աղյուսակում։ Առաջատարը Դանիան է՝ 6 միավորով․ Սերբիան ունի մեկ միավոր, Շվեյցարիան դեռ միավոր չի վաստակել։

Պորտուգալիա - Շոտլանդիա խաղի առաջին գոլը խփեց շոտլանդացի կիսապաշտպան Սքոթ ՄաքՏոմինայը, ով գրավեց մրցակցի դարպասը 7-րդ րոպեին։ Երկրորդ խաղակեսի սկզբում Բրունո Ֆերնանդեշը հավասարեցրեց հաշիվը: Հիմնական ժամանակի ավարտից երկու րոպե առաջ Կրիշտիանու Ռոնալդուն առաջ մղեց պորտուգալացիներին հաշվի մեջ։

Ազգերի լիգայի հաջորդ հանդիպումները թիմերը կանցկացնեն հոկտեմբերի 12-ին և 15-ին։

Խորվաթները սեփական հարկի տակ հաղթեցին 1-0 հաշվով։ Հաղթական գոլի հեղինակը դարձավ Լուկա Մոդրիչը, ով հավաքականի կազմում իր 180-րդ հանդիպումն էր անցկացնում։

Պորտուգալիայի հավաքականը 6 միավորով գլխավորում է A լիգայի 1-ին խմբի մրցաշարային աղյուսակը։ Խորվաթիան և Լեհաստանն ունեն երեքական միավոր, շոտլանդացիները դեռ միավոր չեն վաստակել։

Շվեդիայի հավաքականը սեփական հարկի տակ հաղթեց 3-0 հաշվով։ Դուբլի հեղինակ դարձավ Վիկտոր Դյոկերեշը, ևս մեկ գոլ խփեց Ալեքսանդր Իսակը։

Այս խաղից հետո Շվեդիան և Սլովակիան 6-ական միավորով գլխավորում են C լիգայի առաջին խմբի մրցաշարային աղյուսակը։