Իրանի ԻՀՊԿ հրամանատարը տեղեկություն է հայտնել ծովում Իսրայելի nւժերի հետ բшխnւմների մասին
Իրանի Իսլամական հեղափոխության պահապանների կորպուսի հրամանատար, գեներալ-մայոր Հոսեյն Սալամին հայտարարել է, որ իսրայելական ուժերը գրոհել են իրանական 14 նավ, որպեսզի խոչընդոտեն նավթի արտահանմանը, ինչը հանգեցրել է Իրանի պատասխան գործողություններին, որը գրոհել եւ զավթել է 12 իսրայելական նավ՝ փաստորեն դադարեցնելով հետագա ռազմածովային առճակատումը, հայտնել է Tasnim-ը։
«Երբ մենք հարված հասցրինք (զավթեցինք) հինգերորդ իսրայելական նավին, նրանք ձեռքները վեր բարձրացրին (ի նշան հանձնվելու) եւ համաձայնեցին դադարեցնել ռազմածովային դիմակայությունը,-Նրանք գրոհել են մեր 14 նավը, որպեսզի խանգարեն նավթի արտահանմանը։ Սկզբում մենք չգիտեինք, թե ով է կանգնած դրա հետևում, որովհետևդա արվել էր գաղտնի, բայց ի վերջո մենք պարզեցինք դա՝ սիոնիստական վարչակարգը։ Մենք գրոհեցինք նրանց 12 նավը, եւ երբ մեր ձեռքում հայտնվեց հինգերորդը, նրանք ձեռքները վեր բարձրացրին (ի նշան հանձնվելու) եւ հայտարարեցին ծովային դիմակայությունն ավարտված»,- ասել է գեներալ-մայոր Սալամին «Հաթամալ-Անբիա» կենտրոնատեղիում։
Նրա խոսքով՝ բրիտանական ուժերը զավթել էին իրանական նավը Ջիբրալթարում, իսկ Թեհրանը փոխարենը զավթել էր Stena Impero նավը՝ նրանց ստիպելով հանձնվել։