Ақтаулық ер адам “Гелендвагенді“ өртегені үшін сотталды

Ақтауда сот әйелінің бастығының Mercedes-Benz G500 көлігін өртеп жіберген ер адамға қатысты істі қарады, - деп хабарлайды Tengrinews.kz тілшісі Lada.kz сайтына сілтеме жасап.

Ақтау тұрғыны өшпенділік салдарынан әйелінің жұмыс берушісіне тиесілі Mercedes-Benz G500 көлігін өртеп жібергені үшін айыпталды. Ер адамның кінәсі жәбірленушінің, куәлардың және іс материалдарының айғақтарымен дәлелденді.

Прокурор айыпталушыны ескіру мерзімі өткеннен кейін жауапкершіліктен босатуды және істі қысқартуды сұрады. Алайда жәбірленуші жаза тағайындауды және материалдық шығынды өндіруді талап етті.

Ер адамның балаларының болуы және тұрғылықты жерінен мінездемесі қылмыстық жауаптылық пен жазаны жеңілдететін мән-жайлар деп танылды. Ауырлататын жағдайлар анықталған жоқ. Сот ер адамды кінәлі деп тауып, оны үш жылға бас бостандығынан айырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!