Миңнеханов «Зенит-Казан»ны унынчы тапкыр Суперкубок яулавы белән котлады

Татарстан Рәисе Рөстәм Миңнеханов telegram-каналында һәм «ВКонтакте» социаль челтәрендәге битендә «Зенит-Казан» волейбол клубын унынчы тапкыр Россия Суперкубогын яулавы белән котлады.

«Унынчы Россия Суперкубогы «Зенит»та! Горурланабыз, егетләр!» – дип язган республика җитәкчесе.

Кичә «Зенит-Казан» Мәскәүнең «Динамо»сын 3:0 исәбе белән җиңде һәм чираттагы тапкыр Россия Суперкубогы иясе булды. 8 сентябрьдә ил чемпионатының беренче турында Казан волейболчылары Белгородка киләчәк һәм «Белогорье» командасы белән уйнаячак.